Para kang sirang plaka, sa tenga ko'y paulit ulit na naririnig ang tinig mo.
Minsan tinanong ko ang puso ko. Pag-ibig bang maituturing ito?
Ang sabi'y sa pag-ibig, 'di mo alam ang simula. Pero ngayon, hindi ko na alam kung paano ito hihinto.
Noo'y tinutunaw ko ang pakiramdam na ito, pero ngayo'y tila mga ngiti mo ang tumutunaw sa aking puso.
Kay sarap maramdaman ang pag-ibig na hindi mo alam. Kusa. Walang pagpilit. Walang kapalit. Nagpapaubaya.
Pero walang nagsabing hindi ito makakasakit.
Inoorasan na tayo ng pagkakataon. Nalalapit na paghihiwalay o pagsasama sa habang buhay?
No comments:
Post a Comment